Sa sé on pan a vi an-mwen

Mwen, lè mwen té piti jistan on bèl laj, an té kay an vakans koté manman mwen, fout sa té bèl an tan-lasa!. Tout la vwazinaj té ja ka atann mwen.... Bennyé an rivyè Bouwso , an lanmè Lansab é Malandi, manjé gouyav, monben èvè lézanmi, léfrè épi sè, kouzen épi kouzin.... Men pli bèl-la sété lè lèswa rivé: Nou tout té sanblé é nou té ka kouté kont a-zanba épi lapen, kont a ladyablès asi téras a man Térèz gran mamn mwen (yo té ka criyé-y man Klou), on fanm a ras, mari a-y té gazé pandan la gè 14-18, men i pa té mò.... Menm si défwa an té ka tranblé kon fèy, an té enmé sa toubòlman... Sété on ti koté pasi pa-anba kon yo ka di, la ou pé vwè on ti lilèt, on koté la lonbrik an mwen téré anba on pyé mango Sélébi....

Mèsi Loti, prèmyé lèktè a tèks-la

M-J MACABRE