14 mai 2009
DÉ TI MO POU LIBÉRÉ LA PAWÒL
SA PA VLÉ DI
Sa pa vlé di menm si an nwè
si fon an mwen maké tèbè.
Sa pa vlé di menm si'an ka ri,
é si défwa'an ka bligidi,
dlo savann pé chayé mwen.
Sa pa vlé di menm si an nwè
si fon an mwen maké tèbè.
Mwen ti nègrès a gwo bonda,
ki ka dansé léwòz é kaladja,
pa ni lapli pou mouyé mwen.
Menm si van vanté
é loraj lévé gaoulé,
toujou tini an lanbéli
pou fè fanm rété doubout.
Sa pa vlé di menm si an nwè
si fon an mwen maké tèbè.
Mwen pa ka kouté pon boniman
ni pawòl pou rété an plan,
men tou sa ka ban mwen balan!
Menm si lannuit tonbé
é la lin rété kaché,
solèy toujou ka lévé
pou pé fè fanm vansé.
Sa pa vlé di menm si an nwè,
si fon an mwen maké tèbè.
Ranpli lespwa mwen ké rété,
on fanm fyè...
doubout pou létewnité!
M-J MACABRE (14 mai 20)
Publicité
Publicité
Commentaires
J